Лейлек районунда 2025-жыл ичинде социалдык-экономикалык өнүгүүнүн жыйынтыктары каралып, 2026-жылга карата негизги милдеттер белгиленген коллегиялык жыйын өттү.

Лейлек районунда 2025-жыл ичинде социалдык-экономикалык өнүгүүнүн жыйынтыктары каралып, 2026-жылга карата негизги милдеттер белгиленген коллегиялык жыйын өттү.

Жергиликтүү өз алдынча башкаруу органдары мекеме ишканалар тарабынан Лейлек районунун экономикалык туруктуулугун сактоо жана социалдык-экономикалык өнүгүүсүнүн негизги көрсөткүчтөрүн аткарууда бир катар жетишкендиктери белгиленди. 2025-жылдын жыйынтыгы менен райондо жалпы 789 млн сомдук өнөр жай продукция өндүрүлүп, инвестициянын жалпы көлөмү 2 млрд 481 млн сомго жетти.

Жыл ичинде:

448 жаңы жумуш оруну түзүлдү;

3 мектеп, бала бакча, спорт комплекси, айыл өкмөтүнүн имараты жана медициналык объектилер пайдаланууга берилди;

32 километрден ашуун жол асфальтталды;

Айыл чарба продукциясынын көлөмү 10,5 млрд сомду түздү.

Ошону менен катар Лейлек району социалдык-экономикалык өнүгүүнүн мыкты көрсөткүчтөрүнө жетишип, өлкө боюнча 1-орунду камсыз кылып, 3 млн сом байге фонду менен сыйланды.

Раззаков шаары — «Эң таза шаар» наамын алды, ал эми Кулунду айыл аймагы облуста 1-орунду ээледи.

Бул жетишкендиктер — жергиликтүү бийликтин, мекеме-ишканалардын жана элдин биргелешкен үзүрлүү эмгегинин жыйынтыгы.